Categories: LOCAL

ഫറോക്ക് താലൂക്ക് ആശുപത്രിയിലെ ആംബുലൻസിന് ചികിത്സയില്ല; രോഗികൾക്ക് ദുരിതം

ഫറോക്ക് |  ഒരു വർഷം മുൻപ് അപകടത്തിൽപെട്ട ഫറോക്ക് താലൂക്ക് ആശുപത്രിയിലെ ആംബുലൻസ് അറ്റകുറ്റപ്പണി നടത്തി ഉപയോഗ സജ്ജമാക്കാൻ നടപടിയെടുക്കാതെ ആരോഗ്യവകുപ്പ്. 16 മാസം മുൻപ് 3.62 ലക്ഷം രൂപ ചെലവിൽ അറ്റകുറ്റപ്പണി നടത്താമായിരുന്ന വാഹനം നന്നാക്കാൻ ഇപ്പോൾ 10.5 ലക്ഷം രൂപ വേണമെന്നാണ് എസ്റ്റിമേറ്റ്.ഇൻഷുറൻസ് തുക ലഭിക്കുമെങ്കിലും പണികൾ നടത്തുന്നത് സംബന്ധിച്ച് ആരോഗ്യ വകുപ്പ് ഡയറക്ടറേറ്റിൽ നിന്ന് ഉത്തരവ് ലഭിച്ചിട്ടില്ല.

ഇതിനാൽ എം.കെ.രാഘവൻ എംപിയുടെ പ്രാദേശിക വികസന ഫണ്ടിൽ വാങ്ങിയ ആംബുലൻസ് ചുങ്കത്തെ വാഹന സർവീസ് സെന്ററിൽ കിടന്നു നശിക്കുകയാണ്. 2023 നവംബർ 15നു രാവിലെ പിഎസ്‌സിയുടെ എൻഡ്യുറൻസ് ടെസ്റ്റിനു പോകുന്നതിനിടെ രാമനാട്ടുകര വൈദ്യരങ്ങാടിയിലാണ് ആംബുലൻസ് അപകടത്തിൽപെട്ടത്. ദിശ മാറി എത്തിയ ബൈക്ക് യാത്രികനെ രക്ഷിക്കാനുള്ള ശ്രമത്തിനിടെ നിയന്ത്രണംവിട്ട് അപകടത്തിൽപെട്ട വാഹനത്തിന്റെ മുൻവശം പൂർണമായും തകർന്നിരുന്നു.

അന്നു ആശുപത്രി അധികൃതർ ഇടപെട്ട് ചുങ്കത്തെ സർവീസ് സെന്ററിൽ എത്തിച്ച ആംബുലൻസ് ഇപ്പോഴും അതേപടി കിടപ്പാണ്. അറ്റകുറ്റപ്പണികൾക്ക് 3.62 ലക്ഷം രൂപയുടെ എസ്റ്റിമേറ്റായിരുന്നു ഷോറൂമുകാർ നൽകിയിരുന്നത്. 3 ലക്ഷം രൂപയുടെ മുകളിലുള്ള പ്രവൃത്തികൾക്ക് സർക്കാരിന്റെ അനുമതി വേണ്ടി വന്നു.ജില്ലാ മെഡിക്കൽ ഓഫിസ് മുഖേന ആരോഗ്യവകുപ്പ് ഡയറക്ടർക്ക് കത്തു നൽകിയെങ്കിലും യഥാസമയം തുടർ നടപടികളുണ്ടായില്ല.

ആരോഗ്യവകുപ്പ് നടപടിക്കെതിരെ വ്യാപക പ്രതിഷേധം ഉയർന്നതോടെ 5 മാസം മുൻപ് വീണ്ടും എസ്റ്റിമേറ്റ് തയാറാക്കി. ഇപ്പോൾ 10.5 ലക്ഷം രൂപ വേണ്ടി വരുമെന്നാണു കണക്ക്.ഇതു ആരോഗ്യ വകുപ്പ് ഡയറക്ടർക്ക് സമർപ്പിച്ചിട്ടു കാലമേറെയായെങ്കിലും ആംബുലൻസ് നന്നാക്കാൻ നടപടി മാത്രം സ്വീകരിക്കുന്നില്ല. ദിവസം നൂറുകണക്കിന് ആളുകൾ ചികിത്സ തേടി എത്തുന്ന ഫറോക്ക് താലൂക്ക് ആശുപത്രിയിൽ 2 ആംബുലൻസ് സേവനം ഉണ്ടായിരുന്നു. ഇതിലൊരെണ്ണം അപകടത്തിൽപെട്ടതോടെ ഇപ്പോൾ 108 ആംബുലൻസിന്റെ സേവനം മാത്രമാണുള്ളത്.

admin

Share
Published by
admin

Recent Posts

ക്ലബ് ലോകകപ്പ്; മെസ്സിപ്പടയെ തകർത്ത് പിഎസ്ജി ക്വാർട്ടറിൽ, മയാമി പുറത്ത്

ഫിലാഡെൽഫിയ: ക്ലബ് ലോകകപ്പിലെ ലയണൽ മെസ്സിയുടെയും സംഘത്തിന്റെയും അവിശ്വസനീയ കുതിപ്പിന് വിരാമം. യുവേഫ ചാമ്പ്യൻസ് ലീ​ഗ് ജേതാക്കളായ പിഎസ്ജിക്ക് മുന്നിൽ…

5 days ago

കെഎസ്ആർടിസി ബസ് എവിടെയെത്തി എന്നറിയണോ? വിവരങ്ങളറിയാം, മൊബൈലിലെ ഈ ആപ്പ് മതി

നിങ്ങൾക്ക് പോകേണ്ട കെഎസ്ആർടിസി ബസ് എവിടെയെത്തി എന്നറിയണോ? അല്ലെങ്കിൽ ഏതെങ്കിലും ഒരു സ്റ്റോപ്പിൽ ബസ് എപ്പോൾ വരുമെന്ന് അറിയണോ? അതിനൊരു…

5 days ago

ശ്രദ്ധിച്ചില്ലെങ്കിൽ ഫോണിലെ ഫെയ്സ്ബുക്ക് ചിത്രങ്ങളെല്ലാം മെറ്റ എഐ കൊണ്ടുപോവും

പലപ്പോഴും സ്വകാര്യതയുമായി ബന്ധപ്പെട്ട വിവാദങ്ങളില്‍ കേന്ദ്രബിന്ദുവാണ് മെറ്റ. ഫെയ്‌സ്ബുക്കിലും ഇന്‍സ്റ്റഗ്രാമിലും പൊതുമധ്യത്തില്‍ നമ്മള്‍ പങ്കുവെക്കുന്ന ഫോട്ടോകള്‍ എഐ മോഡലുകളെ പരിശീലിപ്പിക്കാന്‍…

5 days ago

എതിരാളിയെക്കാള്‍ കുറഞ്ഞ വില; അങ്കത്തിനുറച്ച് ടാറ്റ ഹാരിയര്‍ ഇവി

ഇന്ത്യയിലെ ഏറ്റവും വലിയ ഇലക്ട്രിക് വാഹന നിര്‍മാതാക്കളായ ടാറ്റ മോട്ടോഴ്‌സ് അവരുടെ ഫ്‌ളാഗ്ഷിപ്പ് ഇലക്ട്രിക് മോഡല്‍ ഹാരിയര്‍ ഇവിയുടെ ഉയര്‍ന്ന…

6 days ago

മദ്യനയത്തിൽ വമ്പൻ ഇളവ്, ഡ്രൈ ഡേയിൽ മദ്യം വിളമ്പാം, ഡിസ്റ്റിലറികളും ബ്രൂവറികളും തുടങ്ങാം

തിരുവനന്തപുരം | ഡ്രൈ ഡേകളിൽ മദ്യം വിളമ്പാൻ ഏകദിന പെർമിറ്റ് അനുവദിച്ച് സംസ്ഥാനസർക്കാരിന്റെ പുതിയ മദ്യനയം. ബിസിനസ് സമ്മേളനങ്ങൾ, അന്താരാഷ്ട്ര…

3 months ago

പൂഴിത്തോട്ടിൽ വീണ്ടും പുലിയിറങ്ങി, ആടിനെ കൊന്നു

ചക്കിട്ടപാറ പഞ്ചായത്തിലെ പൂഴിത്തോട് മാവട്ടത്ത് വീണ്ടും പുലിയിറങ്ങി ആടിനെ കൊന്നു. മാവട്ടം പൊറ്റക്കാട് ഭാരതിയുടെ വീട്ടിലെ ആടിനെയാണ് പുലി കൊന്നത്.…

3 months ago